📅 2026 წლის 10 ივლისს საქართველოს სტანდარტებისა და მეტროლოგიის ეროვნულ სააგენტოში ჩატარდა ტრენინგი თემაზე „გაზომვის განუსაზღვრელობა – მიდგომები და პრინციპები“.

📅 2026 წლის 10 ივლისს საქართველოს სტანდარტებისა და მეტროლოგიის ეროვნულ სააგენტოში ჩატარდა ტრენინგი თემაზე „გაზომვის განუსაზღვრელობა – მიდგომები და პრინციპები“.
🎯 ტრენინგის მიზანს წარმოადგენდა მონაწილეებისთვის გაზომვის განუსაზღვრელობის შეფასების თანამედროვე მიდგომების, საერთაშორისო მოთხოვნებისა და პრაქტიკული მეთოდების გაცნობა.

📌 ტრენინგის ფარგლებში განხილული იქნა:

🔹 გაზომვის განუსაზღვრელობის საერთაშორისო სტანდარტებით განსაზღვრული მოთხოვნები;
🔹 ISO/IEC 17025:2017-ის ზოგადი მოთხოვნები საგამოცდო და დაკალიბრების ლაბორატორიებისადმი;
🔹 ILAC P14:2020 – გაზომვის განუსაზღვრელობის პოლიტიკა დაკალიბრებისას;
🔹 JCGM 100:2008 (GUM) – გაზომვის განუსაზღვრელობის გამოსახვის სახელმძღვანელო;
🔹 ILAC G17:2021 – გაზომვის განუსაზღვრელობა ტესტირებისას.

📚 მონაწილეებმა მიიღეს ინფორმაცია გაზომვის განუსაზღვრელობის შეფასების ძირითად მოთხოვნებსა და ასპექტებზე, დაკალიბრების პროცედურებში გამოყენებულ მიდგომებსა და პრაქტიკულ მაგალითებზე.
🧮 ტრენინგის პროგრამა ასევე მოიცავდა განუსაზღვრელობის ბიუჯეტის მომზადების საკითხებს, პრაქტიკულ ნაწილსა და დისკუსიებს.
🤝 ღონისძიებამ ხელი შეუწყო მეტროლოგიის სფეროში ჩართული სპეციალისტების ცოდნის გაღრმავებას, პროფესიული გამოცდილების გაზიარებას და გაზომვების სანდოობის გაუმჯობესებას.