სტანდარტებისა და მეტროლოგიის ეროვნული სააგენტოს მონაწილეობა „Caucasus Build 2025“-ში
სტანდარტებისა და მეტროლოგიის ეროვნულმა სააგენტომ (GeoSTM) მონაწილეობა მიიღო საერთაშორისო სამშენებლო გამოფენაში Caucasus Build 2025, რომელიც 25-27 აპრილს ჩატარდა „ექსპო ჯორჯიაში“ .
გამოფენის ფარგლებში, 26 აპრილს, გაიმართა პანელური დისკუსია თემაზე:
„ხარისხის ინფრასტრუქტურა – საერთაშორისოდ აღიარებული სერტიფიცირება სამშენებლო მასალებისათვის: სტანდარტებისა და აკრედიტაციის როლი“.
დისკუსიაში მონაწილეობა მიიღეს სტანდარტებისა და მეტროლოგიის ეროვნული სააგენტოს (GeoSTM) და აკრედიტაციის ცენტრის (GAC) წარმომადგენლებმა.
სამშენებლო სექტორის წარმომადგენლებს მიეწოდათ ინფორმაცია სამშენებლო მასალების სერტიფიცირების,სამშენებლო და ხარისხის სტანდარტების დანერგვისა და შესაბამისობის შეფასების სფეროში არსებულ მნიშვნელოვან საკითხებზე.
ღონისძიება ჩატარდა გერმანიის მეტროლოგიის ინსტიტუტის (PTB) მხარდაჭერით, გერმანიის ეკონომიკური თანამშრომლობისა და განვითარების ფედერალური სამინისტროს (BMZ) მიერ დაფინანსებული პროექტის —
„ხარისხის სტანდარტები გაზრდილი ვაჭრობისთვის აღმოსავლეთ პარტნიორობის ქვეყნებში“ — ფარგლებში.