სტანდარტიზაციის ახალი ტექნიკური კომიტეტი – „მეტროლოგია“ (ტკ 12) შეიქმნა
საქართველოს ეკონომიკისა და მდგრადი განვითარების სამინისტროს სსიპ -საქართველოს სტანდარტებისა და მეტროლოგიის ეროვნულ სააგენტოში (GEOSTM) 2026 წლის 3 თებერვალს გაიმართა საინიციატივო შეხვედრა, რომლის ფარგლებშიც გადაწყდა სტანდარტიზაციის ახალი ტექნიკური კომიტეტის – „მეტროლოგია“ (ტკ 12) შექმნა.
შეხვედრას ესწრებოდნენ საჯარო და კერძო სექტორის წარმომადგენლები. კომიტეტის საქმიანობის სფერო იქნება მეტროლოგიის სფეროში საერთაშორისო და ევროპული სტანდარტების, მათ შორის ჰარმონიზებული სტანდარტების ქართულენოვანი პროექტების შემუშავება, მათი საქართველოს სტანდარტებად მიღების მიზნით.
შეხვედრის ფარგლებში წარმოდგენილი იყო პრეზენტაცია და განხილულ იქნა ქალთა გაძლიერების პრინციპები (WEPs) და მათი ჩართულობა სტნადარტიზაციის პროცესებში. ყურადღება დაეთმო ქალთა წარმომადგენლობის გაზრდასა დამათ ექსპერტული შესაძლებლობების წარმოდგენას ტექნიკური კომიტეტების საქმიანობაში.
მონაწილეებს მიეცათ შესაძლებლობა გამოცდილების გაზიარებისა და საუკეთესო პრაქტიკის განხილვისთვის, რაც მნიშვნელოვნად შეუწყობს ხელს მეტროლოგიის სფეროში საერთაშორისო/ევროპულ სტანდარტებთან შესაბამისობის განმტკიცებას და ინსტიტუციური შესაძლებლობების გაძლიერებას.